യാത്രയ്ക്കു പോകുമ്പോള്‍ ചൊല്ലാവുന്ന
പ്രാര്‍ത്ഥന
ഞങ്ങളുടെ രക്ഷകനായ
ഈശോയെ , അങ്ങയുടെ അനന്തപരിപാലനയെ ഓര്‍ത്ത്
ഞങ്ങള്‍ അങ്ങയെ സ്തുതിക്കുന്നു . അങ്ങയിലുള്ള ആഴമായ വിശ്വാസം ഏറ്റുപറഞ്ഞുകൊണ്ട് അവിടുത്തെ
അനുഗ്രഹത്തിനായി ഞാനിതാ അങ്ങയുടെ
സന്നിധിയില്‍ അണഞ്ഞിരിക്കുന്നു .കര്‍ത്താവേ ,ഞാന്‍ ആരംഭിക്കുന്ന
ഈ യാത്രയേയും അതിലെ എല്ലാ കാര്യങ്ങളെയും അങ്ങയുടെ
പ്രത്യേക സംരക്ഷണയ്ക്കും പരിപാലനയ്ക്കുമായി സമര്‍പ്പിക്കുന്നു .ഈശോയേ ,അങ്ങയുടെ വലതുകരം
നീട്ടി ഞങ്ങളെ ( എന്നെ ) അനുഗ്രഹിച്ചാലും
.അങ്ങയുടെ സാന്നിധ്യവും സഹായവും ഈ യാത്രയിലുടനീളം ഞങ്ങള്‍ക്ക് ( എനിക്ക് ) താങ്ങും തണലുമായിരിക്കട്ടെ .യാത്രയിലുണ്ടാകുന്ന എല്ലാവിധ ആപത്തുകളിലും
അപകടങ്ങളിലും നിന്നു ഞങ്ങളെ (എന്നെ ) കാത്തുകൊള്ളണമേ .ഞങ്ങളുടെ അമ്മയായ പരിശുദ്ധ കന്യകാമറിയമേ ,വിശുദ്ധ ഔസേപ്പിതാവേ ,ഞങ്ങള്‍ക്കു
(എനിക്കു ) വേണ്ടി അപേക്ഷിക്കണമേ .ഞങ്ങളെ
(എന്നെ ) കാക്കുന്ന കര്‍ത്താവിന്‍റെ മാലാഖമാരെ (മാലാഖയെ ) ,ഞങ്ങള്‍ക്ക് (എനിക്ക് ) കൂട്ടായിരിക്കണമേ
.നിത്യം പിതാവും പുത്രനും
പരിശുദ്ധാത്മാവുമായ സര്‍വ്വേശ്വരാ
. ആമ്മേന്‍
Social Plugin